Хоёр Солонгосын хилийн Пханмунчжом боомтод БНАСАУ, БНСУ-ын хэлэлцээр Лхагва гарагийн өглөө 05,05 цагт эхэллээ. Хэлэлцээрт БНАСАУ-ын төлөөлөгчдийг Нэгдсэн фронтын орлогч Вон Дон Ен тэргүүлж байгаа бол Өмнөдийн төлөөлөгчдийг Засгийн газрын дэргэдэх Үндэсний аюулгүй байдлын зөвлөлийн нарийн бичгийн дарга нарын газрын тэргүүн Ким Гю Хен толгойлж байна.
Ким Гю Хен Хоёр Солонгос нэгдэх асуудлаарх сайдын илгээлт гардуулсныхаа дараа “Бид хоёр Солонгосыг нэгтгэх арга зам олохын төлөө чин сэтгэлээсээ ярилцахад бэлэн байна” гэсэн байна.
Хэлэлцэгч талуудын хамгийн эн тэргүүний ярих зүйл нь 1950-1953 оны Солонгосын дайнаас болж хоёр улсад хуваагдан салсан гэр бүлийн хүмүүс, төрөл төрөгсдийг уулзуулах тухай болж байна. Төрөл садангуудыг ойрын өдрүүдэд,  энэ сарын 20-25-ны хооронд уулзуулахаар төлөвлөж байгаа юм. Салж өөр улсад харьяалагдсан төрөл төрөгсдийг аль 2013 оны есдүгээр сард уулзуулахаар төлөвлөсөн ч уулзалт эхлэхээс хэдхэн цагийн өмнө БНАСАУ-ын зүгээс саад хийж болиулж байсан юм. Энэ уулзалтад Өмнөд Солонгосын 73 мянга орчим хүн оролцоно.
БНАСАУ болон Өмнөд Солонгосын хооронд ийм дээд хэмжээний хэлэлцээр хамгийн сүүлд 2007 онд болж байсан юм.