Пүрэв гарагийн шөнө ОХУ-ын Эрхүү хотод 28 настай эрэгтэй усанд орж байх үедээ цэнэглэж байсан гар утсаараа ярьж байгаад цахилгаанд цохиулан нас барсан эмгэнэлт явдал гарчээ. Талийгаачийн хамтран амьдрагч эмэгтэй нөхрөө усанд орж байгаад нас барчихлаа гэж шөнө дунд  цагдаад мэдэгдсэн байна.
Цагдаагийнхан газар дээр нь очиж үзэхэд тэрээр гар утсаа цэнэглэхээр цахилгаанд залгачихаад, усанд орж байх үедээ ярьж байгаад утсаа ванндаа алдсаны улмаас цахилгаанд цохиулж  нас барсан нь тодорхой болсон байна.