Өнгөрсөн амралтын өдрүүдэд Японд их хэмжээний цас орсны улмаас 1,5 мянган хүн шархдаж, 11 хүн амиа алдсан тухай “NHK” агентлаг мэдээллээ. Японы өрнөд нутагт авто болон төмөр замууд хаагдаж, нисэх буудлууд алдаг оног ажиллаж байгаа ажээ.
Бямба гарагт Токиод 27 см зузаан цас орж 45 жилийн өмнөх дээд амжилтыг давтсан байна. Токиогоос өрнө зүгт 130 км-ийн алсад байдаг Кофу хотод 1,14 метр зузаан цас орж 120 жилийн түүхэнд хэзээ ч байгаагүй рекорд тогтоов.
Их хэмжээний цас орсны улмаас олон тооны авто осол гарсан байна. Мөн 18  мянга гаруй байшин барилга цахилгаангүй болжээ.