АНУ-ын “Fox News” телевизийн мэдээлж буйгаар, ажиллагааны хугацаа дууссан “Космос-1220” хиймэл дагуул сансрын тойрог замаас гарч, дэлхийн гадаргад унах хугацаа болсон байна. Уг хиймэл дагуулын ихэнх хэсэг дэлхийн агаар мандал нэвтрэх үед шатаж, үнс болох хэдий ч зарим нэг үлдэгдэл Номхон далайд унана гэж эрдэмтэд тооцоолсон байна. Гэвч хиймэл дагуул дэлхийд унах тодорхой цаг байрлал нь олон хүчин зүйлийн нөлөөллөөр өөрчлөгдөх магадлал өндөр бөгөөд хүн ам олонтой суурин газар ч унах боломжтой гэж ОХУ-ын сансар судлалын эрдэмтэн Алексей Зороткин хэлжээ.