АНУ хэдийгээр шинжлэх ухаан, технологийн хувьд өндөр хөгжилтэй орнуудын тоонд орох боловч тус улсын хүн амын 25 хувь нь дэлхий нарыг тойрдог тухай мэддэггүй болохыг судалгаа харуулжээ.

АНУ-ын Үндэсний шинжлэх ухааны сангаас явуулсан судалгаанд оролцогчдын 74 хувь нь дэлхий нарыг тойрдог болохыг мэдэж байсан бол хүн сармагчнаас гаралтай гэдэгт 54 хувь нь л санал нийлсэн аж.
Судалгаанд физик, биологийн холбогдолтой ерөнхий мэдлэгийн есөн асуултыг тавьсан байна. Асуултад хариулагчдын зөв онооны дундаж 6,5 хувь гарчээ. Тус сан нь шинжлэх ухааны судалгааг дэмждэг төрийн бус байгууллага юм.
Хэдий хүмүүсийн мэдлэгийн хүрээ ийм байгаагаас үл шалтгаалан, судалгаанд оролцогчдын 90 хувь нь шинжлэх ухааны шинэ нээлтийг тодорхой хэмжээнд сонирхдог болох нь тогтоогджээ.
Мөн АНУ-ын 10 иргэний ес нь шинжлэх ухааны тусламжтайгаар хүн төрөлхтөн хүнд асуудлаа шийдвэрлэн, хүн төрөлхтний сайн сайхны төлөө ажилладаг гэж үзсэн байна.
Тэдний 60 хувь нь амьтны хүрээлэн, усан сан, байгаль, түүхийн болон шинжлэх ухаан, технологийн музей үзэх замаар шинжлэх ухаантай ямар нэг байдлаар холбогддог гэж хариулсан юм.