Финляндын буга судлаач, амьтан хайрлагчид умард нутгийн бугын эврийг гэрэлтдэг будгаар будах туршилт хийж байна. Ингэснээр зам дээр амьтан дайрдаг авто тээврийн осол буурна гэж тэд үзэж байгаа юм. Шөнөдөө гэрэлтэж харагддаг ч амьтны биед ямар нэгэн хортой нөлөөгүй энэ будгийг одоохондоо зарим газарт туршиж байна. Харин бугын бүх аж ахуйд түгээх эсэх нь одоогоор тодорхойгүй гэжээ. Финляндад жил бүр авто зам дээр 4000 орчим буга намар өвөлдөө бугын идэш тэжээл ховордсон цагаар авто машинд мөргүүлэн үхдэг гэсэн тоо бий. Умардын лапландын буга нь финляндын нийт нутгийн бараг гуравны нэгд тархсан байдаг юм.