Дорнод аймгийн Халх голын САА 1986 онд 40.0 мянган га эргэлтийн талбайд тариалалт хийж, иж бүрэн механикжсан үр тарианы 6 бригад, 5000 үхэр шахаж бордох цогцолбор, 200 үнээний саалийн механикжсан ферм, 120 тракторын засварын газар, хадлангийн 5 салаа, ногоо, дарш, төмсний салаатай манай улсын томоохон аж ахуйн нэг байсан ба нэг га талбайгаас 1976 онд 13,5 цн, 1984 онд 24,4 цн ургац хураан авч байсан.
Тус сангийн аж ахуй  хувьчлагдаж газар тариалангийн үйлдвэрлэл буурснаар 2009 онд 6170 га эргэлтийн талбайд  (тариалалт 2670 га, уринш 3500 га)  тариалан эрхэлж байсан.
Монгол улсын улсын Засгийн газрын 97 дугаар тогтоол 2010 оны 4 сард гарч Дорнод аймгийн Халх голын бүс нутагт Хөдөө аж ахуйг сэргээн хөгжүүлэх төсөл хэрэгжүүлснээр  2013 оны байдлаар 13 аж ахуйн нэгж иргэн 20,0 гаруй тэрбум төгрөгийн хөрөнгө оруулалт хийж, 37883 га эргэлтийн талбайг газар тариалангийн зориулалтаар  ашиглагдаж байна.

	Аж ахуйн нэгжийн нэр	Эргэлтийн талбай /га/	Үүнээс
			тарьсан	уринш
1	Дорнод гурил ХХК	4000	2000	2000
2	Үйзэн тал  групп ХХК	3070	1070	2000
3	Үйзэн тал ХХК	2030	2030
4	Мөнх тал ХХК	4600	3400	1200
5	Алтай групп	16450	11450	5000
6	Монголын алт ХХК	980	980
7	Нью-Ариг-Ус ХХК	3800	3000	800
8	Булгадайн хишиг ХХК	450	250	200
9	Соёмбо буудай ХХК	1100		1100
10	Халх голын Загвар аж ахуй	163		163
11	БД ХХК	300	300
12	М. Нордог иргэн	140	140
13	Д. Ганбаатар иргэн	800	800
	Дүн	37883	25420	12463

ХХААХҮЯам,  БНСУ-ын КОИКА  олон улсын хамтын ажиллагааны байгууллагын хэлэлцээрийн дагуу тус олон улсын байгууллагын буцалтгүй тусламжийн хөрөнгөөр  200 га талбайд усалгаатай тариалан, эрчимжсэн мал аж ахуй хосолсон Загвар аж ахуйг  байгуулж 2014 онд ҮХААЯ-нд  хүлээлгэж өгнө.
ҮХААЯ-ны Халх гол төсөл нь тус Загвар аж ахуйг Улсын үрийн аж ахуйн чиглэлээр  ажиллуулах юм.

Тариалангийн тухай хуульд зааснаар атар газрыг тариалангийн газар болгох талаарх саналыг сумын Засаг дарга хянаж нэгтгэн, аймгийн ИТХ-д танилцуулж, дүгнэлт гаргуулсны үндсэн дээр ҮХААЯаманд уламжилж  Засгийн газраар  хэлэлцүүлж, дүгнэлт гаргуулан шийдвэрлэдэг.
Иймд Халхголын бүс нутагт Солонгосууд 330 мянган га талбайг тариалангийн зориулалтаар авсан гэдэг нь ор үндэсгүй мэдээлэл юм.