Украины нийслэл Киевт хүчний байгууллага, эсэргүүцлийн хөдөлгөөнийхний дунд жинхэнэ тулаан болж амь үрэгдсэн хүний тоо 100 гарлаа гэж эмч нар мэдээлж байна.


Цагдаагийнханд хуулийн дагуу хэдийнээ галт зэвсэг тарааж өгчээ. "Терроризмын эсрэг ажиллагааны хүрээнд хууль сахиулагчдад байлдааны зэвсэг тарааж өглөө. Цагдаа нар “Цагдаагийн тухай хууль”-ийн хүрээнд ард иргэдээ элдэв халдлагаас хамгаалах, барьцаалагдсан хүмүүсийг суллах, цагдаагийн ажилтан болон тэдний гэр бүлийнхэнд халдах, амь нас эрүүл мэндэд нь заналхийлсэн  элдэв оролдлогын үеэр энэ зэвсгийг хэрэглэх эрхтэй" гэж Украины ДЯЯ-ны сайдын үүрэг гүйцэтгэгч  В.Захарченко мэдэгдсэн байна.
Үүнээс гадна хүчний байгууллагынхан хамгаалж байгаа объект, цэргийн цуваа, иргэдийн орон байр, төрийн болон олон нийтийн өмч, байгууллагуудад нь халдсан тохиолдолд буудах эрхтэй гэнэ.

Хэт даврагчид цэргийн 67 албан хаагчийг барьцаалсан учраас тэднийг суллах утлааны үеэр 50 орчим хүн амь үрэгджээ.
CNN-ийн мэдээгээр 20-ны дөөр дор хаяж 100 хүн амь алдсан гэж мэдээлж байна.