Украины ерөнхийлөгч Виктор Януковичийг өнгөрсөн шөнө Крымд баривчлан саатууллаа хэмээн Дээд Рада дахь УДАР намын депутат Виктор Куренной мэдээлсэн боловч энэ мэдээллийг Украины Дотоод явдлын яам батлаагүй байна. Энэ талаар ДЯЯ-ны сайдын үүрэг гүйцэтгэгч Арсен Аваков мэдээлснийг “РБК-Украин” хэвлэл дамжуулсан байна.
Ерөнхийлөгч Янукович онгоцоор эх орноосоо зугтаах гэж оролдоод  бүтэхгүй болохоор нь далайгаар гадагшаа гарах гэж байна гэж хэвлэлүүд үүний өмнө мэдээлсэн юм. Өмнө нь Януковичийг дэмждэг байсан Бүс нутгийн нам саяхан түүнийг олон хүний амь хөнөөх тушаал өгсөн, улс орноо асар их өрөнд оруулж Украин улсыг ард түмний өмнө, дэлхий нийтийн өмнө шившиг болгосон гэж буруутгаж байна.  
Украины дээд Рада тус улсын ерөнхийлөгчийн үүрэг гүйцэтгэгчээр парламентын спикер Александр Турчиновыг томилоод байна.