Украины Львов мужийн тусгайгийн “Беркут” тасгийн 100 гаруй ажилтан хотынхоо төв дэх  Тарас Шевченкогийн хөшөөний  дэргэд цуглаан хийж байсан олон нийтийн өмнө өвдөг сөхрөн байж уучлал гуйсан байна. Тэд өөрсдийн нь алба хаадаг “Беркут”-ынхан нийслэл Киевт энгийн номхон жагсагчид руу гал нээж олон хүний амь нас бүрэлгэсний төлөө ийн уучлал гуйжээ.
Харин жагсагчид үүнийг нь хүлээн авсангүй өөдөөс нь ундааны сав зэрэг зөөлөн эд зүйлээр шидэлсэн байна. “Өөрсдийгөө хамгаалах” хүчний идэвхтнүүдийн энэ уур бухимдлыг сүмийн гэгээнтэн тайвшруулжээ.
“Беркут”-ын ажилтнууд олон нийтийн өмнө Киевт болсон байлдааны ажиллагаанд  Львовын “Бещркут” оролцоогүй, тэгээд үүнээс хойш ямагт ард түмнийхээ талд байх болно гэдгээ андгайлсан байна. 
Украины нийслэл Киевт сөрөг хүчнийхэн, тусгайгийн “Беркут”-ынхны дунд болсон мөргөлдөөний үеэр 89 хүн амь алдаж, 699 хүн бэртэж шархадсан юм. Тусгайгийн мэргэн буудагчид  байшин дээрээс гартаа зэвсэггүй жагсагчид руу буудаж байгаа бичлэг интернетээр тарсаар байгаа юм.