Энгийн жагсагчид, ард түмнийхээ өөдөөс галт зэвсэг хэрэглэн олон хүний аминд хүрсэн “Беркут”-ынхныг ОХУ-ын улс төрчид,өөртөө авч хүчний байгууллагадаа ажиллуулах санал тавьж эхэллээ. 

ОХУ-ын Төрийн Думын “Шударга Орос” фракцийн тэргүүн Сергей Миронов Украины нийслэлд сөрөг хүчнийхэнтэй мөргөлдөөнд оролцсон цагдаагийн тусгай “Беркут” тасгийн ажилтнуудыг Орост ирж хүчний байгууллагад ажиллуулах санал гаргасан байна.
Сергей Миронов “Янукович ард түмнээсээ урвалаа. Гэхдээ энэ ерөнхийлөгч “Беркут”-ын  зэвсэггүй хүүхдүүдийг хэрхэн алж байгааг цонхоороо харж байсан боловч юу ч хийсэнгүй. Энэ бол зүгээр ч нэг арчаагүй явдал биш бүр шившиг. Тэгэхээр бид одоо улс орныхоо удирдлагад хандаж тэр “Беркут”-ын хүмүүст     Орост ирж ДЯЯ-нд ажил олгохыг хүсье” гэж Төрийн Думын хуралдаан дээр хэлжээ.
Тэр бас украины иргэдэд оросын иргэншил авах боломжийг зургаан сарын хугацаанд олгох нь зүйтэй гэсэн байна. Үүний өмнө Либерал ардчилсан намаас Төрийн Думд сонгогдсон депутат Илья Дроздов бас Украины иргэдэд оросын иргэншил олгох хуулийн төсөл Төрийн Думд өргөн барих нь зүйтэй гэж байсан юм.
Энэ сарын 24-нд ОХУ-ын Асрахань мужийн амбан захирагч Александр Жилкин бас “Беркут”-ын албан хаагчдад Орост амьдрах улс төрийн орогнол олгох тухай ярьж ажилтнууддаа үүрэг өгч байсан юм.
Үүнтэй зэрэгцээд эсэргүүцлийн жагсаалд оролцогсдын эсрэг галт зэвсэг хэрэглэх тушаал өгч 82 хүний амь хөнөөн, 699 хүнийг шархдуулж бэртээсэн Украины ерөнхийлөгч асан Виктор Янукович өнөөгийн эрх баригчдаас зугтаан сураггүй болсныг Крымийн Севастополь хот дахь оросын цэргийн баазад нуугдаж байгаа, түүнийг хамгаалахын тулд Крымд оросууд цэргийн хүч оруулж болзошгүй байгаа тухай ч хэвлэлүүд мэдээлсээр байна. Энэ талаар Украины парламент  Дээд Радагийн депутат “Эрх чөлөө” фракцын тэргүүн Олег Тягнибок анхааруулан мэдэгдээд байгаа юм. Уг нь Украины өнөөгийн эрх баригчид Виктор Януковичийг ард түзмнийхээ өмнөөс галт  зэвсэг хэрэглэж олон хүний амь хөнөөсөн хэмээн эрүүгийн хэрэг үүсгэн эрэн сурвалжилж эхлээд байгаа билээ.

Украины эрх баригч нам Бүс нутгийн нам, төр Засгийн өндөр албан тушаал хашиж байгаад хуулийн хариуцлагаас зугтаан эх орноо орхиж гадаадад хүмүүсийн  олонхи  нь ОХУ-д очин орогнож байгаа  талаар цаг тутам мэдээ ирсээр байна.
Эх орон нэгт, украинчуудаа хайрлаагүй энэ хүмүүс оросын иргэдийг хйаралх юм болов уу. Ийм л зүйлийг оросын эрх баригчид хүсч байгаа бололтой.