Австралийн агаарын тээврийн “Qantas” компани 5000 ажилтнаа цомхотголд оруулж халахаар болжээ. Ирэх гурван жилийн дотор хоёр тэрбум австрали долларын зардал хэмнэх ёстой болоод байгаа нь цомхотгол хийхэд хүргэжээ. Тус компани өнгөрсөн оны сүүлчийн зургаан сард 252 сая ам.долларын алдагдалтай ажилласан тухай тооцоо гараад байгаа юм. Тиймээс зардал төсвөө танахын тулд ажилтнуудаа цөөлөхөөс гадна 50 гаруй онгоцоо үйлчилгээнээс гаргахаар болжээ.
Австралийн агаарын тээврийн компани санхүүгийн хувьд хүндхэн байдалд байгаа учраас Засгийн газраасаа дэмжлэг туслалцаа хүсч байгаа юм.