Украины Крымын Автономит бүгд найрамдах улсын парламент, засгийн газрын ордныг зэвсэглэсэн этгээдүүд барьцаалаад байна. Энд одоо автомат, пулемёт, гранат шидэгч болон мэргэн буудагчийн винтовоор зэвсэглэсэн 60 орчим хүн байгаа гэнэ. Тэдэнтэй хэлэлцээр хийхээр Тус бүгд найрамдах улсын Сайд нарын зөвлөлийн дарга Анатолий Могилев оролдож орон нутгийн цагаар өглөөний 9,00 цагт ойртож очсон ч тэд ямар яриа хэлэлцээ хийхгүй гэж татгалзжээ.
“Зэвсэгт хүмүүсийн төлөөлөгчид шаардлага тавих, яриа хэлэлцээр хийх бүрэн эрх байхгүй” гэж мэдэгдсэн хэмээн Сайд нарын зөвлөлийн мэдээлэлд дурдсан байна. Могилев тэдэнд утасныхаа дугаарыг орхиод шаардлагатай үед мэдэгдэж яриа хэлэлцээ хийхийг санал болгожээ.
Үүний өмнө Засгийн ордон руу сэтгүүлчид ойртохыг оролдсон ч өөдөөс нь утаат гранат шидэж эсэргүүцжээ. Засгийн ордныг одоо цагдаагийнхан бүслээд байна.
Парламент, Засгийн газрын ордон дээр ОХУ-ын гурван өнгөт далбааг бүгд найрамдах улсын далбаатай зэрэгцүүлэн мандуулсан байна.

Хэвлэлийнхэн эхлээд тэднийг цагдаагийн тусгай тасаг “Беркут”-ын хүмүүс гэсэн боловч эзлэгчид өөрсдийгөө оросууд гэсэн байна.
Тэд бүгд найрамдах улсын Засгийн газрын байрыг 27-ны өглөө үүрээр 04,20 цагт эзэлжээ. Үүнтэй холбоотойгоор Крымын засаг захиргааны төв Симферопольд  пүрэв гарагийг амралтын өдөр болгоод байна.
Парламент, засгийн газрын байрны гадаа оросын талыг баримтлагчид, украины татар үндэстнүүдийн тус тусын жагсаал болж тэд өөр зуураа мөргөлдсөнөөс хэд хэдэн хүн бэртэж нэг эмэгтэй нас баржээ.
Крымын эрх баригчид хүмүүсийг тайван байж хүмүсийн амь нас эрүүл мэндэд хохирол учруулахгүй байхыг анхааруулсаар байна.

Крым нь Октябрийн хувьсгалын дараа Зөвлөлт Оросын мэдэлд орж 1921 онд энд Зөвлөлт социалист Крымын бүгд найрамдах улс байгуулжээ. 1954 онд Крымыг Украины бүрэлдхүүнд оруулсан байна. 1991 оны нэгдүгээр сарын 20-нд болсон бүх нийтийн санал асуулгаар Крым тусгаар тогтоносон Украин улсын бүрэлдхүүнд орсон юм. 1992 онд Бүгд Найрамдах Крым улс гэж нэрлээд дараа нь ЗКрымын автономит бүгд найрадах улс болгон өөрчилсөн байна.