Эх орноосоо зугтан сураггүй болсон Украины ерөнхийлөгч асан Виктор Януковичийг Рублево-Успенскийн авто замаас холгүй элит тосгонд ийм байшин худалдан авсан гэж оросын хэвлэлүүд бичиж байна.  Энэ талаар “Оросын социал демократууд болон ногоон альяанс” зөвлөлийн төвийн төлөөлөгч Олег Митволь өөрийнхөө твиттер хуудсанд пүрэв гарагт оруулсан байна. Тэрээр “Одоо Виктор Янукович оросын нийслэл Москва орчмын оршин суугч боллоо. Тэрээр өчигдөр Барвиха тосгонд нэг байшинг 52 сая доллараар худалдаж авлаа. Үүнд нь эх орноосоо дүрвэж энд байгаа украинчууд баяртай байна” гэж бичжээ.
Тэр бас энэ сууцны нь ойролцоо юу харснаа “Янукович өөрийнхөө дагалдагч, Холбооны аюулгүйн албаны хамгаалагчдыг дагуулан зугаалж явсан. Барвиха бол Москва мужийн хамгийн тансаг, үнэтэй тосгон” гэж бичсэн байна.