Украины Ерөнхий сайд байгаад шоронд хоёр жил гаруй сууж сая суллагдсан Юлия Тимошенко ОХУ-тай ямар ч яриа хэлэлцээр хийгээд нэмэргүй гэж байна. Түүнийхээр бол Москва Украиныг эзэлж аваад төрийн эрхэнд Януковичийг тавьж, цаашдаа аль болох хурдан хугацаанд Украиныг Орост нэгтгэхийг зорьж байгаа гэнэ.
Тэрээр энэ мэдэгдлээ өөрийнхөө албан ёсны сайтад тавьжээ. Орос аль болох Украиныг өөрийн болгох сонирхолтой байгаа болохоор ямар ч яриа хэлэлцээ амжилттай болохгүй гэсэн байна. Украины шинэ эрх баригчид гуравдугаар сарын 3-нд Москвад очиж ОХУ-ын ерөнхийлөгчтэй уулзахаар төлөвлөөд байгаа юм.