Оскарын шилдэг эмэгтэй жүжигчний шагнал авсан жүжигчин Кейт Бланшет Оскарын алтан хүнээ өвөртлөөд унтсан гэдгээ Эллений ток шоунд оролцох үеэрээ ярьжээ. "Анх удаа орон дотор гурвуулаа орж үзлээ" хэмээн хошигносон Кейт хэт их баярласан сэтгэл нь тайван унтуулахгүй байсныг хэлээд ядарснаас болоод шоуны тайзан дээр Элленээр түшүүлэн орж ирж байгаагаар багахан үзүүлбэр хүртэл үзүүлж амжжээ.
Хөтлөгч Эллен түүнд бяцхан бэлэг бэлдсэн байсан нь "Эллен хөтөлж, би шагнал авсан Оскарын 86 дахь наадам" гэсэн бичигтэй цамц байжээ.
Энэ удаагийн Оскар Кейт Бланшетийн хувьд хоёр дахь Оскар юм. Тэрээр арваад жилийн өмнө туслах дүрийн шагнал хүртэж байсан билээ.