Жүжигчин Шарлиз Тероны хамгийн сүүлд тоглосон “A Million Ways To Die In The West” буюу “Баруунд үхэх сая арга” хэмээх кино ирэх тавдугаар сараас үзэгчдэд хүрэх гэж байна. Тэрээр энэ кинонд Сет МакФарлен, Нил Патрик Харрис, Лайм Нисонтой хамт тогложээ. Сүүлийн жилүүдэд тийм ч олон кинонд тоглоогүй Шарлиз Терон өргөж авсан хүүхдээ өсгөх гэж гэр бүлийн амьдралдаа илүүтэй анхаарах болсон юм. Тэрээр саяхнаас жүжигчин Шон Пеннтэй хамт амьдарч эхэлснээр Холливудад бас нэг алдартай хос төрөөд байгаа юм.