Малайзын сураггүй болсон Boeing 777-200 онгоцны талаар мөрдөн шалгах явцад нисгэгчдийн нэг нь ажлын заавар зөрчиж кабиндаа зорчигчдоос  бүсгүйчүүдийг оруулдаг байсан тухай  мэдээлэл олжээ гэж Ассошиэйтед Пресс агентлаг мэдээлж байна.

Мөрдөн шалгах үед австралийн телевизийн A Current Affair хөтөлбөр тус болсон гэнэ. Энэ хөтөлбөрт оролцсон Мельбурны оршини суугч Жонти Роос гэдэг  бүсгүй 2011 оны арванхоёрдугаар сард таиландын Пхукет амралтаас Куала-Лумпур хот руу нисэхдээ нислэгийн туршид найз бүсгүйтэйгээ хамт нисгэгчдийн бүхээгт явсан тухайгаа хөөр болгон ярьсан нь олджээ. Нисгэгчид тэднийг өөрсдөө урьсан гэсэн байна.

Бүсгүйн ярьснаар бол энэ нисгэгчдийн нэг нь  өнгөрсөн долоо хоногт сураггүй алга болоод байгаа Boeing 777-200 онгоцны хоёрдугаар нисгэгч 27 настай Фарик Абдул Хамид юм байна. Үүний өмнө түүнийг агаарт 2,7 мянган цаг ниссэн туршлагатай нисгэгч гэж бичиж байсан юм.

Жонти Роос бас нисгэгчид нислэгийн туршид бүхээгтээ тамхи татаж, урьсан бүсгүйчүүдтэйгээ зургаа татуулж байсан гээд авхуулсан зургуудаа үзүүлсэн байна.
Харин авиа компанийнхан болохоор мөрдөн шалгах ажлын дундуур энэ талаар ямар нэгэн тайлбар хийхгүй гэжээ.