Гуравдугаар сарын 8-нд Бээжин рүү нисч яваад сураг тасарсан Малайзын иргэний агаарын тээврийн Boeing-777 онгоц автомат нислэгийн горим дээр тавиад маршрутаа өөрчилсөн байна гэж мөрдөгчид мэдээлснийг New York Times дамжууллаа. Ийм өөрчлөлтийг нисэхийн өмнө юм уу, ниссэний дараахан хийх ямар ч боломжгүй, тэгэхээр ниссэнээс бүр хойно, мэргэжлийн хүмүүс хийнэ гэж мөрдөгчид үзсэн байна. Үүнээс үүдээд мөрдөн байцаагчид нисгэгчдийн баг, зорчигчдыг судалж эхэлжээ. Үүний өмнө нисэгчдийн гэрийг нэгжих үед нэгийнх нь гэрээс нислэгийн дадлага хийдэг төхөөрөмж илрүүлсэн юм. Гэтэл бас зорчигчдын нэг нь нисэхийн инженерээр ажиллаж байсан нь илэрчээ хэмээн "Россия 24" мэдээлжээ.
Малайзын нийслэл Куала-Лумпураас хятадын Бээжин хотыг чиглэн ниссэн 239 хүнтэй Боинг 777-200 онгоц гуравдугаар сарын 8-нд радараас алга болж сураггүй болоод байгаа юм.
Бараг 10 хоногийн өмнө алга болоод байгаа энэ онгоцыг эрж хайх ажилд 20 орны нисэх хүчин, хөлөг онгоцууд оролцож байна.