Оросын цэргийнхэн Крымд байгаа Украины сүүлчийн хөлөг онгоц “Черкасс”-ыг эзэлж авлаа гэж хөлгийн ахлах усан цэрэг Александр Гуткины мэдээлснийг “Украинская правда” сонин бичсэн  байна. Хэвлэлд бичсэнээр бол Днузлавын нууранд байсан “Черкасс” хөлгийг  оросын хоёр хурдан катер мөродөн хөөж, дэээгүүр нь Ми-35 нисдэг тэрэг эргэлдэн хоёр цагийн дараа гэхэд хөлөг дээр оросны цэргүүд гарч эзлэн авчээ. Тэд хөлгийн багийнхныг дотуур байруудад нь хорьсон ч бэртээж гэмтээгээгүй байна. Усан цэрэг Гудкин “Тэд биднийг барьцаалсан ч зодож нүдээгүй” гэжээ.
“Оросууд тулааны үеэр хөлөг рүү буудаж, харин бид агаарт буудаж байсан. Хэн ч шархдаагүй” гэж Крым дэх БХЯ-ны эрүүл мэндийн төвийн дарга Владимир Селезнев өөрийн Facebook хуудсандаа бичжээ. Энэ хөлөг бол Крымд байсан Украины далбаатай хамгийн сүүлчийн хөлөг байсан юм.
Үүний өмнө оросууд Украины тэнгисийн цэргийн хүчний "Славутич", "Винница", "Тернополь", "Геническ", "Константин Ольшанский" хөлөг болон усан доогуур шумбагч  "Запорожье" завийг эзлэн авч олзолсон юм.