Холливудын од Гвинет Пэлтроу, Камерон Диаз хоёр сайн найзууд. Нас, зүс ижил од бүсгүйчүүд хувийн амьдралынхаа нарийн ширийнийг хүртэл дэлгэн ярилцдагийн хувьд Гвинет Пэлтроу саяхан нөхрөөсөө салахаар шийдсэн нь тэдэнд ямар хүндээр тусч байгаа тухай Камерон Диаз хэвлэлд ярилцлага өгөх үедээ хэлжээ.
"Тэд хоёулаа гэр бүлээ хадгалж үлдэхийн тулд үнэхээр их хичээсэн боловч эцэст нь салах нь зөв юм гэдгийг хүлээн зөвшөөрсөн. Энэ тэдний хувьд маш зоригтой алхам. Тэднийг гэр бүлээ цуцлуулж байгаа энэ үед хэвлэлээр янз бүрийн муухай мэдээллүүд их гарч байгаа учраас хувийн амьдралыг нь хүндэтгэж үзээсэй гэж хүсч байна" хэмээн найзынхаа өмнөөс ярьжээ.
Оскарын шагналт жүжигчин Гвинет Пэлтроу, "Coldplay" хамтлагийн дуучин Крис Мартин хоёр 10 жил амьдарч, хоёр хүүхэдтэй болсон ч жилийн өмнөөс хамтын амьдрал нь таарч тохирохоо больж, жил орчим бодож үзсэний эцэст салахаар шийдсэн хэмээн хэд хоногийн өмнө мэдэгдсэн юм.