Умард Солонгосын удирдагч Ким Чен Уны авга ах, Батлан хамгаалах хорооны дарга байгаад урван тэрэлж төрийн эргэлт зохион байгуулах гэж байсан хэргээр өнгөрсөн оны арванхоёрдугаар сард цаазлуулсан Чан Сон Тхэгийн хамсаатан гэх өндөр албаны 200 хүнийг цаазаар авахаар шийдвэрлэжээ. Өмнөд Солонгосын “The Chosun Ilbo” сонин энэ тухай мэдээлэхдээ “Улсыг аюулаас хамгаалах хороо Чан Сон Тхэкийн хамсаатнуудыг илрүүлэх өргөн хүрээтэй ажиллагаа явуулж түүний талын 200 хүн, дагалдагч 1000 хүнийг илрүүлжээ” гэсэн байна. Тэдний гэр бүлийн 1000 орчим хүнийг эсэргүү хэрэгт хамтран оролцсон хэргээр шүүхээр оруулалгүйгээр засан хүмүүжүүлэх хөдөлмөрийн лагерь илгээх юм байна.
“Цаазаар авах ял өгсөн хүмүүсийн дунд Хөдөлмөрийн нам, засгийн газар, армийн нөлөө бүхий хүмүүс байгаа нь Чан Сон Тхэкийн шууд удирдлагад ажиллаж байсан хүмүүс юм. Цаазын ялыг Кан Коны нэрэмжит цэргийн академид нам, төр, цэргийн өндөр албан тушаалтнуудын нүдэн дээр гүйцэтгэх юм байна” хэмээн хэвлэлд бичжээ.
Умардын удирдагч Ким Чен Уны авга ах Чан Сон Тхэкийг намын эсрэг үйл ажиллагаа явуулж, төрийн эргэлт хийх гэж байсан хэргээр 2013 оны арванхоёрдугаар   сард Хөдөлмөрийн намаас хөөж, цаазаар авсан юм.  Тэрээр улсдаа нам, төрийн хоёрдугаар хүн гэгдэж Умардын эдинй засгийн хөгжлийг хариуцаж байсан юм.