Пакистанд 9 настай хүү, тэдний гэр бүлийнхнийг аллагын хэрэгт буруутган шүүхэд дуудсан байна. Гадаадын эх сурвалжийг үндэслэн “Интерфакс” агентлагийн мэдээлснээр бол  жаал хүү, түүний гэр бүлийнхэн  гэрт нь хийн тоолуур тавих гэж байсан түлшний компанийн ажилтнуудыг эсэргүүцэн  чулуугаар шидсэний нь төлөө ингэж буруутгасан байна. Цагдаагийнхан илтгэлдээ тэдний энэ үйлдлийг аллага үйлдэх гэж байсан гэж тэмдэглэжээ.
Харин тэр гэр бүлийн  өмгөөлөгч хууль сахиулагчдыг хүүгийн эсрэг үүсгэж байгаа хэргийг хэрэгсэхгүй болгох ёстой гэж үзэж байна. Үүнийг үндэслэж шүүхийн урьдчилсан сонсголын үеэр хүүг барьцаагаар суллахаар шийдвэрлэсэн ч дараагийн удаад шүүхэд заавал дуудна гэжээ.
Пакистанд хөхүүл хүүхдэд хүртэл эрүүгийн хэрэг үүсгэдэг байсныг 2013 онд баталсан хуулиар терроризмын гэмт хэрэгт татах хүүхдийн насны доод хязгаарыг 7-12 болгож өөрчилсөн юм