Пакистанд лалын шашны зөнч мэргэн гэгддэг Мухаммедыг шүүмжилсэн агуулгатай мессэж бичсэний төлөө нэг гэрийн хоёр хүнийг цаазаар авахаар болжээ. Пакистаны Гожра хотод аж төрдөг Эммануэль ба Каусар Шафгат нарыг баривчилсан тухай “ВВС” агентлаг мэдээлж байна. Хотын гол сүмийн дуганч жилийн өмнө өөрийн нэр дээр ирсэн гар утасны зурвасыг үндэслэн шүүхэд хандсан нь ийнхүү таагүй шийдвэрт хүргэжээ.
Гожра хот шашин хоорондын маргалдаанаараа дэлхий дахинаа танилцсан гэж болно. 2009 онд лалын шашны Коран судрыг христийн шашинт охин газар чулуудсан тухай мэдээ гарснаар шашны хэнээтнүүд 40 гаруй байшин, христийн сүм шатааж байсан билээ. 2011 онд христийн шашинт есөн настай охиныг лалын шашны эсрэг доромж үг хаясан гэж чанга дэглэмтэй хорих газар суулгасан нь дэлхий нийтийн анхаарлын төвд орж ихээхэн дуулиан тарьж байсан билээ.