Ханилаад 42 жилийн нүүр үзсэн 59 настай гэр бүлийн хоёр хамтдаа амиа хорлосон эмгэнэлтэй явдал Нью-Йоркт гарчээ. Тэднийг Өрл болон Мэрри Майт гэдэг бөгөөд галт тэрэгний урдуур үсэрч амиа хорлохоос хоёрхон минутын өмнө хүү рүүгээ утасдаж яриад хайртай шүү  гэдгээ хэлсэн гэнэ. Тэдний машиндаа үлдээсэн гэрээслэлээс л амиа хорлосон гэдгийг нь олж мэдсэн аж. Энэ гэр бүлийн эзэгтэй Мэрри тархины аневризм гэдэг өвчнөөр шаналж, энгийн үйлдлүүдийг ч хийж чадахгүй нялх хүүхэд шиг болоод байжээ. Олон ч удаа мэс засал хийлгэсэн Мэри болон түүний нөхөр Өрл сэтгэлийн хүнд шаналгаатай, байнга дарамтад байснаас хамтдаа хорвоог орхихоор шийдсэн бололтой гэж хүү нь ярьжээ. Тэд 17-хон насандаа ханилж, хоёр хүүгийн эцэг эх болжээ.