Өнөө өглөө үүрээр 5:18 минутын орчимд Токиод зургаан магнитудын хүчтэй газар хөдөлж, цөөн хүн бэртэж гэмтжээ. 2011 онд 9 магнитудын хүчтэй газар хөдөлж, 18500 хүн амь үрэгдсэнээс хойш Токиод ийм хүчтэйгээр газар хөдөлсөн тохиолдол гараагүй юм. Газар хөдлөлтийн голомт нь Токиогоос холгүй байсан ч Япон даяар газар чичирхийлэн мэдрэгдсэн гэнэ.
Цөөн тооны хүн бэртэж гэмтсэнээс өөр ноцтой хор хохирол одоогоор мэдэгдээгнүй байгаа ч даваа гарагийн өглөө галт тэрэгний хөдөлгөөн түр саатсан байна.