Нэг тэрбум удаа үзсэнээрээ Youtube-ийн дээд амжилтыг эвдэж байсан “Gangnam Style” дууг хоёр тэрбум удаа үзэж дахин нэг рекорд тогтоолоо. 2012 оны долдугаар сард олны хүртээл болмогцоо хит болсон энэ дууны рекордыг эвдэх уран бүтээл хараахан гараагүй л байна. Одоогоор“Youtube”-д нэг тэрбум үзэгчийн босго давсан ганцхан дуу байгаа нь Жастин Биберийн “Baby” юм.  
Филиппиний шоронгийн хоригдлуудаас эхлээд НҮБ-ын ерөнхий нарийн бичгийн дарга Бан Ги Мун хүртэл бүжиглэж, дэлхий даяар хит болсон энэ дууны араас PSY-ын “Gentleman” хэмээх ээлжит хит нь Youtube-ийг байлдан дагуулж хоногт 38 сая удаа үзсэн статистиктай байгаа юм. Энэ хоёр дуугаараа дэлхийн од болсон Солонгос дуучин өнгөрсөн жил АНУ, Европоор аялан тоглолт хийсэн билээ.