Өмнөд Солонгосын дуучин PSY-гийн “Gangnam Style” дууны клипийг “Youtube”-д хоёр тэрбум удаа үзсэнээр дэлхийн дээд амжилт тогтоогоод буй. 4:12 минут үргэлжилдэг энэ видеог хоёр тэрбум удаа үзсэн гэхээр нийтдээ 140 сая цаг буюу 16 мянган жил болж байгаа юм. Хүн төрөлхтний хэдэн мянган үеийг элээх хугацаа гэсэн үг. Харин ажлын цагаар тооцвол 50 сая хүн нэг цаг хөдөлмөрлөх хугацаа.  Энэ хугацаанд хүн төрөлхтөн юу хийж болох байж вэ гэдгийг “Economist” сэтгүүл хэдхэн жишээгээр харуулжээ. Тухайлбал, энэ хугацаанд АНУ-ын хамгийн алдартай барилга болох “Empire State Building” шиг томоохон барилга 20-ийг, дэлхийн хамгийн өндөр барилга “Бурж Халифа” шиг байгууламж зургааг, Египетийн пирамид дөрвийг, алдарт Стоунхэнж шиг түүхэн дурсгалт газар тавыг босгож, Лондонгийн олимпын парк хоёрыг байгуулж, Википедиагийнх шиг асар том мэдээллийн сан хоёрыг ч бүтээж болох байжээ. Хүн төрөлхтөн ийм үнэтэй цаг хугацааг “Gangnam Style” үзсээр өнгөрүүлжээ. Гэвч бидэнд бас хааяа ч гэсэн амарч зугаацах эрх бий гэж цайруулж болох л юм.