Африкаас Хятад руу зөөж явсан 38 сая доллараар үнэлэгдэх нэг тонн жинтэй алт замдаа сураггүй алга болжээ. Африкаас алт зөөвөрлөх ажил эрхэлдэг хятадын бизнесмэн Жао Зиньзюнийн Гонконг хүргэхээр аль дөрөвдүгээр сард  ачуулсан ийм хэмжээний жин дарах алтан гулдмай алт алга болсон нь энэ сард л тодорхой болсон байна. Хятадын хэвлэлүүд үүнийг “Энэ 10 жилийн хамгийн том хулгай” хэмээн онцолж байна. Алтан гулдмай хийсэн хайрцгуудыг хүлээн авсан шинэ эзэн нь нээж үзэхэд бүгдийг нь төмрийн хаягдлаар дүүргэсэн байжээ.
Нийт 998 кг алт ийн сураггүй алга болсон нь дэлхийн зах зээлд хэдийнээ тархаж шуугиан тарьж эхэлжээ. Улс орнууд ч томоохон банкууд дахь алтны нөөцөө найдвартай эсэхийг нягталж эхэлсэн гэнэ.