Оросын өдрийг тохиолдуулан Умард Солонгосын удирдагч Ким Чен Ун  ОХУ-ын ерөнхийлөгч Владимир Путинд баярын цахилгаан илгээжээ. “Ерөнхийлөгч таны удирдлаган дор оросын ард түмэн улс орныхоо аюулгүй байдал, тогтвортой байдлыг хангах, эдийн засгаа өөрчлөн шинэчлэх, батлан хамгаалах чадвараа  бэхжүүлэхэд асар их амжилт олж байна” гэж цахилгаан утсанд тэмдэглэжээ.
Ким Чен Уныхаар бол Умард Солонгос, Оросын харилцаа хамтын ажиллагаа “ард түмний сонирхлын дагуу өргөжин хөгжиж” байгаа гэнэ. Тэр бас хоёр орны холбоо харилцаа хоёр талын гарын үсэг зурсан хамтын баримт бичгийн дагуу эрчимтэй бэхжин хөгжинө гэдэгт итгэлтэй байгаагаа илэрхийлжээ.
Оросын өдөрт зориулан Пеньянд болсон хүлээн авалт дээр ч гэсэн БНАСАУ-ын Гадаад худалдааны сайд Ли Рен Нам оросын Засгийн газар, ард түмэнд хандаж “Хүчирхэг гүрэн байгуулах үйлстээ өндөр амжилт олох”-ыг хүссэн байна. Пеньян дахь ОХУ-ын ЭСЯ, оросын бусад байгууллагуудын төлөөлөгчид Солонгосын нийслэлийн цэцэрлэгт хүрээлэн дэх солонгосын ард түмний төлөө амиа өргөсөн зөвлөлтийн дайчдын “Чөлөөлөлт” цогцолборт цэцэг өргөжээ.
1990 оны зургадугаар сарын 12-ны өдөр Оросын Дээд зөвлөл ОХУ-ыг тусгаар улс болохыг баталгаажуулсан тунхаглал баталсан юм.