Украины зүүн нутгийн Луганск муж өөрийгөө Луганскийн ардын бүгд найрамдах улс хэмээн тунхагласнаа зарлаж 13 улсад тусгаар тогтнолыг нь хүлээн зөвшөөрөхийг хүсч ханджээ. Энд ОХУ, Белорус, Армян, Сири, Серби, Венесуэл, Хятад, Куба, Никарагуа болон ЗХУ-ын бүрэлдхүүнд байсан тусгаар тогтноогүй Чечень, Ингушет зэрэг улсуудыг нэрлэжээ.
Үүнтэй зэрэгцээд ОХУ-ын Төрийн думын депутат, “Эх ороно” намын төлөөлөгч Алексей Журавлев Төрийн думын хаалттай хуралдаанаар украины зүүн нутгийн тухай хэлэлцэхийг санал тавьжээ. Лхагва гарагт Луганскт очсон Журавлев сэтгүүлчдэд “Орос иргэд амьдарч, бас нэрвэгдэж байгаа энэ бүс нутгийг ОХУ зүгээр орхихгүй” гэж мэдэгдсэн байна.
Мягмар гарагт Украины ерөнхийлөгч Петр Порошенко улсынхаа зүүн бүс нутагт болж байгаа мөргөлдөөнөөс энгийн ард иргэдийг гаргах энхийн коридор гаргахыг хууль хяналтын байгууллагуудад үүрэг болгосон юм.
Үүний өмнө украины Донецк муж бас улсаасаа салан тусгаарлаж, өөрийгөө Донецкийн ардын бүгд найрамдах улс хэмээн тунхаглаад байгаа юм.