Оросын цэргийн нисдэг тэргүүд Украины агаарын хилийг хоёр ч удаа давлаа хэмээн Киев мэдээллээ. Украины хилийн алба “Долдугаар сарын 3-нд Оросын цэргийн нисдэг тэргүүд орос украины хилийг хоёр ч удаа даван манай агаарын хилд нэвтэрч агаарын тагнуулын үүрэг гүйцэтгэлээ” гэж өнөөдөр мэдээлжээ. Энд “өглөөний 08,20 цагт оросын цэргийн гурван нисдэг тэрэг Украины агаарын хилийг Луганск мужийн Беловодск суурингийн чиглэлээр, дараа нь 09,20 цагт бас гурван нисдэг тэрэг хилинй Должанск цэгийн орчмоор зөрчлөө” гэсэн байна.
Украины хилчдийн энэ мэдээллийн талаар ОХУ-ын Батлан хамгаалах яам ямар нэгэн тайлбар хийгээгүй байна.