Уруулын будаггүйгээр бүсгүй хүнийг төсөөлөх гээд үз дээ. Санаанд багтахгүй байгаа биз. Гэхдээ энэ бол огт өөр зүйл.  Францын судлаачдын хийсэн нэг судалгаагаар эмэгтэйчүүд жилд дунджаар 2,5 ширхэг уруулын будаг иддэг гэнэ. Бүсгүчүүдээ үнсэлтээр мялдаах дуртай эрчүүд ч үүнээс нэг их дутахгүй жилдээ нэг ширхэг уруулын будаг залгидаг байна.
Үгүй тэгээд яагаад уруулын будаг хэрэглэдэг юм бол оо гэхээр сэтгэл судлаачид эрчүүд бүсгүйчүүдтэй уулзаад хамгийн түрүүнээ уруул руу нь хардаг гэсэн хариу өгч байгаа юм. Тэгэхээр эрчүүдэд сайхан харагдахын тулд уруулаа будахаас яахав дээ.

Ингээд л хүүхнүүд нь эрчүүддээ сайхан харагдах гээд, эрчүүд нь бүсгүйчүүддээ хайртайгаа илэрхийлэх гээд аль аль нь химийн хольцтой бүтээгдхүүнээр “хооллодог” болж таарч байна.
Эмэгтэйчүүд насан туршдаа 900 ширхэг буюу 5-6 кг уруулын будаг зооглодог бол, эрчүүд нь сайхан бүсгүйчүүлийн уруулаас 1,2 кг будаг дамжуулан авч иддэг гэнэ.
Дашрамд дурдахад анхны уруулын будаг өдгөөгөөс таван мянган жилийн өмнө эртний Египетэд бий болсон гэдэг. Гэхдээ тэр үед уруулын будгийг уруулаа том харагдуулах гэж биш харин ч нарийхан болгон харагдуулах гэж хэрэглэдэг байсан гэнэ.