Эрх мэдэл
хуваарилах хэлэлцээрийн хүрээнд энэ сард шинэ ерөнхийлөгчөө сонгохоор
Афганистаны ерөнхийлөгчийн сонгуульд нэр дэвшигчид зөвшилцжээ.
Бид үндэсний эв нэгдлийн засгийн газар байгуулахын тулд хэлэлцээгээ үргэлжлүүлнэ гэж тэд хэлэв.
Афганистаны Гадаад харилцааны сайд асан Абдулла Абдулла, Сангийн сайд асан Ашраф Гани нарын хооронд АНУ-ын Гадаад харилцааны сайд Жон Керри зуучилж байгаа юм.
Уржигдар болон өчигдөр хоёр нэр дэвшигчтэй Керри Афганистанд хэлэлцээ хийжээ.
Ерөнхийлөгчийн сонгуулийн саналыг тоолоход луйвар орсон гэж талууд гомдол мэдүүлсний дараа өнгөрсөн зургадугаар сард болсон хоёр дахь шатны сонгуулийн нийт найман сая саналын хуудсыг аудитаар шалгуулж байгаа билээ.
Энэ сарын эцэс гэхэд шинэ ерөнхийлөгчийн тангараг өргөх өдрийг сонгохоор Абдулла, Гани нар зөвшилцжээ.
Афганистаны байдлыг тогтвортой болгох маш чухал алхмыг тэд хийлээ гэж Керри сурвалжлагчдад хэлсэн байна.
Гэхдээ зарим шинжээчийн үзэж буйгаар, амлалтаа хоёр нэр дэвшигч биелүүлж чадах эсэх эргэлзээтэй байна. Саналын хуудсыг дахин тоолсны дараах дүн, эрх мэдэл хуваарилалттай холбоотойгоор тэдний хооронд дахин маргаан үүсэж болзошгүй.
