Хамгийн муухай кинотеатр Египетийн Синайны элсэн цөлд байдаг. “ Ертөнцийн төгсгөл” нэртэй энэ кино театрт өөр нэр гоёдох байсан биз.

Маш нямбайлан элсэн цөлд “суулгасан” модон сандлууд нь кинотеатрынх гэхээсээ илүүтэйгээр ямар нэгэн нууцлагдмал эртний түүх өгүүлэх мэт харагдана.  Кинотеатрын 150 суудал бүхэлдээ өгөршиж хуучирчээ. Мөн дэлгэцний суурь бас проекторын байр гээд бүхэлдээ эвдэрч гэмтээд эртний нэгэн олдвор лугаа харагдах болж.

Бодоход халуун элсэн цөлд кино үзээд тухлаад суух хүн баймааргүй л санагдах юм. Гэтэл Францын нэгэн эр элсэн цөлд кинотеатр байгуулах нь бизнесийн шилдэг санаа гэж бодсон бололтой. Тэрээр кинотеарт байгуулах бүхий л тоног төхөөрөмжөө Кайрын актлагдсан хуучны нэгэн кинотеатраас олж  Синайны цөлд авчирсан байна.

Ингээд элсэн цөлд дэх кинотеатр үйлчлүүлэгчдээ хүлээж авахад бэлэн болтол  кинотеатрыг үүсгэн байгуулагч маань орон нутгийн захиргаатай тохиролцоо хийхээ мартсан байжээ.  Энэ театрыг орон нутаг огт дэмжсэнгүй, дэмжихийг хүссэнгүй бололтой эрчим хүч өгөхөөс татгалзсан гэнэ.

Тийм учраас “ Ертөнцийн төгсгөл” кино театрт нэг ч кино гараагүй юм.

Энэ өдрөөс хойш тэрхүү кино театрт тухлах нь байтугай хөл тавьсан хүн ховор аж. Дээрээс нь кинотеатрт очихын тулд уртаас урт элсэн цөлийг туулах шаардлагатай болно.

Гэтэл Синайны цөлд хөтөчгүй явахыг орон нутгийн засаг захиргаанаас хориглодог байна. Хэдийгээр Египет жуулчдын орон ч гэлээ энэ цөлийг зүглэх хүн бараг үгүй учраас “Ертөнцийн төгсгөл”-д тухлах хүн цаашдаа ч гарахгүй болов уу.