“Улаанбаатар” Олон улсын кино наадам-2014 залуу найруулагч Л.Таванбаярын “Хүдэн” киногоор нээлтээ хийлээ.
ССАЖЯ, Нийслэлийн Соёл урлагийн газар, Туркийн ЭСЯ, Монголын Урлагийн зөвлөл болон Монголын Кино урлагийн зөвлөл хамтран зохион байгуулж байгаа энэхүү наадам нь кино урлагийн салбарын олон улсын хамтын ажиллагааг нэмэгдүүлэх, дэлхийн сор болсон кинонуудыг Монголын үзэгчдэд хүргэх зорилготой.

Тус кино наадамд Ази, Америк, Европын 10 гаруй найруулагч, продюссер, уран бүтээлч, олон улсын нэр хүндтэй кино наадмын зохион байгуулагч оролцож байна. Энэ сарын 8-12-ний хооронд “Тэнгис” кино театрт зохион байгуулах тус наадамд манайхаас найруулагч И.Нямгаваагийн “Хязгааргүй”, залуу найруулагч М.Ивээлийн “Цэн тогоруу”, “Жаалхүү” фильмийн “Хүдэн” зэрэг бүтээлийг үзүүлэх юм. Мөн Каннын наадмаас “Алтан навч” хүртсэн Туркийн найруулагч Нүри Билгэ Жэйланы “Өвлийн ичээ”, Тайландын найруулагч Апичатпонг Верасетакулын “ Нагац ах Бүүний” Берлиний олон улсын кино наадамд сонгогдсон “Хурга”, “Ажилчид”, “Маконда” зэрэг кино Монголын үзэгчдэд хүрэх юм.