Найруулагч Роберт Земекисийн “Ирээдүйгээс ирэгсэд-2” киноны баатар Марти жижигхэн хавтан дээр зогсоод нисч байхыг үзсэн бол энэ нь мөрөөдөл биш болох нь ээ. Америкийн калифорнийн Arx Pax-ийн зохион бүтээгчид Kickstarter сайтдаа дэлхийн анхны нисдэг скейтборд бүтээж байгаагаа  дэлгэжээ. Arx Pax-д бүтээсэн энэ шинэ “хөлөг”-ийг инженер Грег Хендерслны дурсгалд зориулан Hendo  хэмээн нэрийдсэн гэнэ.
Зохион бүтээгчид энэ “хөлөг”-өө аль болох дуу чимээгүй хийхээр төлөвлөж байгаа юм байна. Нимгэн металл гадургуутай нисдэг энэ төхөөрөмжийг эхлээд их хэмжээгээр үйлдвэрлэхэд 250 мянган доллар шаардлагатай хэмээн тус компанийнхан тооцоолжээ.