Цахим ертөнцөд цар хүрээ нь өргөжсөөр буй “Номонд шимтэгчдийн холбоо”-ны залуус “Нийлэх бодлын өнгө” нэртэй сонгодог үдшийг “Blue moon” арт галарейд өнөөдөр 18:30 цагаас зохион байгуулах гэж байна. Тус төрийн бус байгууллага “Оюунлаг ирээдүйн төлөө хамтдаа” уриан дор “Book café Mongolia” үндэсний томоохон төслийг өнгөрөгч тавдугаар сараас хэрэгжүүлж эхэлсэн. Энэ хүрээнд хийж буй ажлынх нь нэг нь энэ сонгодог үдэш аж. Сонгодог хөгжим, уран зураг, уран зохиол гээд урлаг, уран сайхны сонгодгуудыг багтаасан үдэшлэгт улс төр, урлаг соёлын нэр бүхий эрхмүүд уригдан ирэх аж.