Алдарт Гиннесийн дээд амжилтын номд орохын тулд ямар нэгэн сонин содон зүйл цуглуулах юм уу, урьд хожид үзэгдээгүй үйл бүтээх, бие, оюун ухааны шинэ зүйл мэдэх хэрэггүй юмсанж. 57 настай англи эр Мартин Тови  Гиннесийн дээд амжилтын номын цуглуулгаараа Гиннесийн номд орлоо.

Тэрээр 1968 онд анх дунд сургуулийн сурагч 11 настай байхдаа  сургуулийн нэг уралдаанд түрүүлэн Гиннесийн дээд амжилтын номоор шагнуулж байжээ. Үүнээс хойш Мартин Товигийн ээж нь шинэ жил бүрээр хүүдээ Гиннесийн дээд амжилтын ном авч бэлэглэдэг болсон байна.

Тови насанд хүрээд дээд амжилтын номоо орхисонгүй газар газарт хэвлэсэн Гиннесийн номыг худалдан авсаар одоо 353 боть номтой болжээ. Үүний зэрэгцээ Мартин Товид Гиннесийн дээд амжилтын номтой холбоотой 2164 баримт материал бий гэнэ.