Нийслэлийн Засаг даргын дэмжлэгтэйгээр  Монголд анх удаа шинэчилсэн найруулгаар тоглогдох гэж буй “Цөмөөхэй” балет өнөөдөр нээлтээ хийнэ.

Тоглолтыг хүргэхэд уран бүтээлчид, тайз болон арын албаны ажилчид гээд нийт 400 гаруй хүмүүс ажиллаж байна. УДБЭТ-ын 50 бүжигчин, симфони найрал хөгжмийн 61 уран бүтээлч, тайз гэрэлтүүлгийн 25 ажилтан, СУИС болон ХБК-ийн 10 гаруй оюутнаас гадна тоглолтод оролцохоор шалгаруулалтад тэнцсэн 200-аад хүүхэд, зохион байгуулалтын ажилчид гээд өргөн бүрэлдэхүүнтэй ажиллаж, бэлтгэл 100 хувь хангажээ. “Цөмөөхэй” тоглолтын тайз декорац, гэрэлтүүлэг, хувцас хэрэглэлийг АНУ-ын Бостон хотоос тээвэрлэхэд  2 сар шаардагдсан бөгөөд нийт 5 чингэлэг ачаанд тайзны бүх хэрэглэл, 100 гаруй төрлийн хувцас иржээ.