Рок-н-роллын хаан алдарт Элвис Пресли амьд сэрүүн байсан бол өнөөдөр 80 нас хүрч байх байжээ. Америкийн Мемфис хотноо байдаг, хөгжимчний дурсгалд зориулсан “Грейсленд”-д өнөөдөр түүний шүтэн бишрэгчид уулзалт зохион байгуулж байна. Тэдний ширээнээ Элвис Преслийн нэрийг бичсэн асар том бялуу тавьжээ.

Тэдний уулзалтад хөгжимчний гэргий байсан Присилла Пресли оролцож байгаа юм байна. Энд бас дугуй ширээний ярилцлага болж хөгжимчин Дэвид Бригтс, Норбет Путман, хөгжимчний намтар судлаач Питер Гуральник, Преслийн найз боксчин Билл Уоллес нар оролцох юм байна.

Элвис Аарон Пресли 1935 оны нэгдүгээр сарын 8-нд төрсөн. Америкийн хөгжимчин, дуучин энэ эр ХХ зууны хөгжмийн ертөнцийн хамгийн амжилттай, хамгийн их орлоготой хүн байлаа.

 Түүнийг “рок-н-роллын хаан” гэдэг нь тохиолдол биш. Тэрээр хөгжмийн энэ урсгалыг үндэслэж, анхдагч нь байгаагүй ч гэсэн энэ урсгалыг алдаршуулан олны хүртээл болгосон нэгэн.

Түүний 1950-иад онд бичүүлсэн Sun Records, «Heartbreak Hotel», «Don"t Be Cruel», «Hound Dog» зэрэг дуунууд нь жинхээн хит болж байлаа.

Пресли 1977 онд нас барсан ч түүний пянз нь манай гариг дээр нэг тэрбум гаруй хувиар борлогдсон юм. Пресли хөгжмийн “Грэмми” шагналыг 1968, 1973, 1975 онд гурван удаа хүртэж байсан юм.