Робот-ажилчидтай бөгөөд түлхүүрийн оронд нүүр царайгаар нь зочныг танин өрөөний хаалга нь онгойгддог зочид буудал энэ зун Японы Нагасаки мужийн Сасэбо хотын “Хейс-тен-Бос” хүрээлэнд нээгдэнэ гэж тус хүрээлэнгийн оператор компани мэдэгдлээ.

Хоёр давхар “Хенн на” зочид буудал ирэх долдугаар сарын 17-нд нээгдэх бөгөөд “Хувьслын төлөө зүтгэцгээе” гэсэн уриатайгаар үйл ажиллагаа явуулна гэж “Хейс-тен-Бос” мэдэгдсэн юм.

Зардлаа багасгаж, үйлчлүүлэгчдийн тав тухыг хангахын тулд роботууд ачаа тээш зөөх, өрөөг цэвэрлэх, үүдэнд зочдыг хүлээн авах болон бусад үйлчилгээг хариуцан гүйцэтгэх аж.

Нүүр царайгаар таних технологи суурилуулсан учир зочид түлхүүргүйгээр өрөө рүүгээ орох боломжтой байх гэнэ.