Оросын зартай хакерын тухай мэдээлэл өгсөн хүнд гурван сая ам.доллар өгнө гэж АНУ амлалаа. АНУ өмнө нь кибер гэмт хэрэгтний мэдээлэл авахын төлөө хэзээ ч ийм их мөнгө амлаж байгаагүй юм. Гэвч кибер хэрэгтнүүдийг хууль шүүхийн өмнө авчирна гэж Төрийн департментаас нь албан ёсоор мэдэгдсэн тус улс 100 сая гаруй ам.долларыг хулгайлаад буй хакер Евгений Богачевын төлөө ийм хэмжээний мөнгө төлөхөд бэлэн байна.
“Lucky12345”, “Славик” зэрэг нууц нэрээрээ хакеруудын дунд алдартай Е.Богачевыг өнгөрсөн жил банк, комьютерийн залилан, мөнгө угаасан, үгсэн хуйвалдсан гэдэг хэд хэдэн үндэслэлээр баривчилж байсан ч тэрээр одоо эх орондоо эрх чөлөөтэй байгаа гэж Холбооны мөрдөх товчоо үзэж байна. АНУ-Оросын хооронд ялтан шилжүүлэх гэрээгүй учир түүнийг баривчлахад бэрх боловч өндөр шан харамж амласны дараа Холбооны мөрдөх товчоо хэрэгтэй мэдээллээ олж авч чадна гэж найдаж байна.