Холливудын жүжигчин Харрисон Форд хоёр мотортой хөнгөн онгоцоор нисч яваад Лос-Анжелосын ойролцоо гольфын талбайд унаж хүнд гэмтэл авлаа хэмээн Los Angeles Times мэдээлжээ.

Дэлхийн хоёрдугаар дайны үеийн Ryan PT-22 Recrui онгоц гольфын талбайд ослын буулт хийх үеэр 72 настай нэрт жүжигчин толгойдоо олон тооны гэмтэл авч бас цус алдсан байна. Азаар гольфын талбайд байсан хоёр эмч Фордод яаралтай тусламж үзүүлж дараа нь эмнэлэгт хүргэжээ. Хууль хяналтынхан ослын шалтгааныг тогтоохоор ажиллаж байна. Тэдний урьдчилсан үзсэнээр онгоц бүрэн бус байжээ.

Харрисон Форд агаарын хөлгөөр нисэх тун дуртай, бүр эртнээс онгоц, нисдэг тэргээр нисдэг, бас ч хэд хэдэн удаа осолд орж байсан юм байна.
Харрисон Форд “Оддын дайн” цуврал болон археологич Индиан Жонсын дүрээрээ нэрд гарсан юм.