Канадын Уайтхорс хотоос холгүй нэгэн халуун рашаан байдаг нь гадаад дотоодын жуулчид, нутгийн иргэдийн хамгийн очих дуртай газрын нэг. Жил бүрийн хоёрдугаар сард энд “Үс хөлдөөх уралдаан” болдог. Энэ уралдаан бүтэн сарын турш үргэлжилнэ.

Тэмцээнд оролцогсод халуун рашаанд орох үеэрээ рашаанд бүрэн шумбаж үсээ норгосны дараа толгойгоо уснаас гаргаж үсээ хөлдөөнө. Энэ үед энд ихэвчлэн 30 градусаас багагүй хүйтэн байдаг болохоор үс нь тэр дороо хөлдөнө.

Ингэхдээ хэн үсээ хамгийн гоёмсог хэв загвар гаргаж хөлдөөснөө гэрэл зургаар баталгаажуулан тэмцээний албан ёсны фейсбүүкт тавьдаг байна. Сарын сүүлээр шүүгчид тэмцээний ялагчийг зарлаж 150 долларын шагнал гардуулна.