Apple корпораци өнөөдөр өглөө Сан-Франциско хотноо “Apple Watch” хэмээх ухаалаг цагаа анх удаа танилцууллаа хэмээн НТВ мэдээллээ.
Гурван загварын, хоёр өөр хэмжээтэй энэ цаг 349, 550, 950 ам.долларын үнэтэй гэнэ. Үүний зэрэгцээ 18 карат алтны орц бүхий корпус, сарфир шилтэй  цаг нь 5-7,5 мянган долларын үнэтэй юм байна. Зохион бүтээгчид энэ цаг эзнийнээ эрүүл мэндийг бүрэн хянах зориулалттай даралт, зүрхний цохилт, биеийн ачааллыг тооцож харуулах чадвартай юм. Үүний зэрэгцээ машины түлхүүр орлохоос гадна Apple Pay систем ашиглан төлбөр хийж болно гэж байна.

Энд 12 дюймын дэлгэц, MacBook Pro зөөврийн компьютер бүхий планшетыг бас үзүүлжээ.
Компанийн ерөнхий захирал Тим Кукын хэлж байгаагаар бол шинэ бүтээгдхүүний дээжээ ирэх дөрөвдүгээр сард худалдаанд гаргах юм байна.