“Хамтын халуун сэтгэл” залуусын нэгдлийнхэн Олон улсын хүүхдийн эрхийг хамгаалах өдрөөр хүүхэд багачуудаа баярлуулахаар алиалагч нарын парад арга хэмжээг зохион байгуулсаар уламжлал болжээ. Өнгөрсөн жил 300 алиалагч сайн дураараа цугласан бол энэ жил 500 алиалагчийн парадаар хүүхдүүдэд бэлэг барих нь. Алиалагч нарын парадыг зохион байгуулагч залуус маань “Бяцхан хүүхдүүдээ баярлуулангаа томчууд ч бас нэг өдрийг эргэн хүүхэд болсон мэт баярлаж өнгөрөөгөөрэй” хэмээн уриалж байна билээ.