Жил бүрийн зургадугаар сарын 6 нь  орчин үеийн оросын утга зохиолын хэлийг үндэслэгч Александр Сергеевич Пушкины төрсөн өдөр болохоор зөвхөн Орост төдийгүй дэлхий даяараа Орос хэлний өдрийг тэмдэглэн өнгөрүүлдэг уламжлалтай.
НҮБ-ын албан ёсны хэлний нэг Орос хэлний өдрийг тэмдэглэж байх тухай шийдвэрийг хамгийн анх НҮБ-ын Нарийн бичгийн дарга нарын газрын Олон нийтийн мэдээллийн удирдах газрын 2010 оны хоёрдугаар сарын хуралдаанаас гаргасан юм. Энэ өдрийг соёлын олон хэлбэрийг хадгалах, олон хэлний хөгжлийн хөтөлбөрийн хүрээнд тэмдэглэдэг байна. Нөгөө талаар энэ хөтөлбөр нь НҮБ-ын англи, араб, испани, хятад, орос, франц гэсэн зургаан хэлийг ижил түвшинд дэмжих зорилготой юм.
Үүний үндсэн дээр 2011 оны зургадугаар сарын 6-нд ОХУ-ын ерөнхийлөгч Дмитрий Медведев Орос хэлний өдрийг орос орон даяар жил бүр тэмдэглэж байх тухай зарлигт гарын үсэг зурсан байна.

Өнөөдрийн байдлаар орос хэл нь 144 сая хүний төрөлх хэл бол дэлхийн 33 оронд түгээл болоод байна.  Дэлхий дахинд түгээл болсон байдлаараа орос хэл манай гариг дээр англи, хятад, хинди, испани, араб хэлний дараа  зургадугаарт ордог. Энд төрөлх хэл, хоёр дахь хэл, сурч эзэмшсэн байдлыг оруулан тооцож байгаа хэрэг.
Оросын хамтын ажиллагааны нийгэмлэгийн гаргаснаар өнөөдөр орос хэлээр манай гариг дээр 270 сая хүн ярьдаг гэжээ.