Хайртай хүнээ бусдынх болчих вий хэмээн сэтгэл нь тогтож чаддаггүй, хартай эхнэр нөхрүүд одоо сэтгэл тайван байж, өөрийнхөө тал биеийг хаана явааг нь алсаас мэдпээж болдог болох нь. Британийн Gemporia брэндийг үндэслэгч, уран дархан Стив Беннетт хартай эхнэр нөхөрт зориулсан “Итгэлийн бөгж” нэртэй  GPS  бүхий бөгж зохион бүтээжээ. Энэ нь эхнэр нөхөртөө туйлын хайртай, түүнийгээ бас харддаг хүмүүст хайртай хүнээ хаана явааг нь мэдэхэд чухал ач холбогдолтой гэнэ.  Зохион бүтээгч бас үүнийгээ хартайчуудаас гадна, алдаж үрэгдүүлэх, гээх, хулгайд алдахаас хамгаална гэж үзэж байна.
Шинэ бөгжнийхөө  үнийг зарлаагүй зохион бүтээгч бас ойрын үед хүүхдэд зориулсан гоёл чимэглэлийн зүйл хийхээр төлөвлөж ингэх нь хүүхдээ хаана явааг хянаж байхад тустай гэж үзэж байгаа гэнэ.