ОХУ-ын Тувагийн нийслэл Кызылд олон улсын “Төв Азийн хөөмий” наадам эхэллээ. Энэ наадамд Япон, АНУ, Хятад, Монгол, Итали, Финлянд улс болон оросын зургаан бүсийн 211 хамтлаг оролцож байна хэмээн Тувагийн ерөнхийлөгчийн хэвлэлийн алба мэдээлжээ.

“Хөөмий бол ардын өвөрмөц урлаг. Бид энэ наадмыг жил бүр уламжлал болгон зохион байгуулахаар төлөвлөж байна. Нөгөө талаар хөөмийг шинжлэх ухааны үүднээс судлах хэрэгтэй. Энэ наадам зүгээр нэг концерт төдйи болоод өнгөрхгүй байгаасай гэж хүсч байна. Үүний үр дүнд хөөмийг дэмжих, түгээл болгох талаар олон улсын төсөл хэрэгжиж эхлээсэй гэж хүсч байна” гэж Тувагийн ерөнхийлөгч Шолбан Кара-оол надаамд оролцохоор ирсэн хүндэт зочдын өмнө хэлжээ.

Түүний хэлснээр бол энэ наадмын дараа Тувад Хөөмийн акзадеми байгуулах гэнэ. Үүний зэрэгцээ Тува улс хөөмийг ЮНЕСКО-гийн биет бус өвд бүртгүүлэхээр төлөвлөж хандсан байна.

Шилдэг хөөмийчдөө тус улс “Тувагийн ардын хөөмийч” цол олгодог болж 23 хүнд энэ цолоо олгосон байна. Тувагийн хөөмийчдийн “Алаш”, “Хун хуурт” , “Тува” хамтлаг Америк, Европ, Ази, Африкийн орнуудаар тоглож нэрд гараад байгаа юм.
Олон улсын “Төв Азийн хөөмий” наадам энэ сарын 14-нд өндөрлөнө.